ನಗೆಯೊಳೇನಿದೆ ?

ಬಾನೊಡಲ ತಾರೆಗಳ

ಮಿಣುಕ ನೋಡಿ ಹುಟ್ಟಿ ಬರುವ

ನಗೆಯೊಳೇನಿದೆ

ಸಾಗರದ ಅಲೆಯಲೆಯ

ಬೆಡಗ ನೋಡಿ ಬೆಳೆದು ನಿಲುವ

ನಗೆಯೊಳೇನಿದೆ

~~

ಚಂದಿರನ ನೇಸರನ

ಮತ್ತೆ ಮತ್ತೆ ಬಾನಿಗೆಳೆವ

ಸಿಹಿನಗೆಯೊಳೇನಿದೆ

ಗಾಳಿಗೊಂದು ಗುಟ್ಟು ಹೇಳಿ

ದೂರತೀರಕೆಲ್ಲೋ ಕಳುಹಿ

ಗಾಳಿ-ಮರದ

ಸರಸ ವಿರಸ ನೋಡಿ ನಗುವ

ಮುಗುದ ಮೊಗದ ಮಗುವ

ನಗೆಯೊಳೇನಿದೆ

~~

ಬಾನಿಗೊ೦ದು ಬಿಲ್ಲ ಬರೆದು

ಭಾವ ಬಣ್ಣ ಧಾರೆ ಎರೆದು

ಮನವ ಮನವ ಮೀಟಿ ಹೊಸೆವ

ಮಧುರ ನಾದ ಸೂಸಿ ಕರೆವ

ಜಗದ ಭಾವ-ಭೇದ-ನೋವ

ಜಗಕು ಕೂಡ ಮರೆಸಿ ಬಿಡುವ

ಕೆಳೆಯನೆಳೆಯ ನಗೆಯೊಳೇನಿದೆ